شرح انشاء Label في tkinter

بدرسنا مال اليوم راح نشرح عن Label بtkinter

درس اليوم سهل وبسيط وحلو بس احتاج منكم تركزون وياي بالشرح اليوم راح نتعلم شي اسمه widgets زين شنو هوا widgets الـwidgets اريدكم تتخايلونها مثل قطع Lego الي يستخدمونها الأطفال ببناء العابهم وكل widgets الها شغل مختلف عن الثانية يعني مثلا اكو widgets تكتب داخلها شي وهيه تعرضه على البرنامج( نص ) واكو widgets تضغط عليه وتسويلك شي معين ( زر ) اكو widgets تسمح للشخص الي يستخدم البرنامج انو هوا يكتب داخلها ( حقل ادخال ) واليوم راح اشرح الكم widgets الي تخلينا نعرض احنا شي على النافذة مالتنا  وهاي widget اسمها Label والها خصائص تخلي شكلها افضل او تخلينا نتحكم بالشكل مالتها مثل ( حجم الكلام, لون الكلام, خلقة الكلام, شكل الكلام ) وهواي اشياء ثانية اني شرحت شي بسيط منها بفيديو على قناتي على اليوتيوب وهاذا درسها شاهدو حتى تفهمون الي راح تقرو ورا الفيديو

الفيديو

 خاصة text هيا نكتب بيها الكلام الي راح يضهر على البرنامج مالتنا يعني مثل ما تكول المكان الي نكتب بيه الرسالة وهاذا مثال بسيط عليها راح تكتب كلمة hello world على البرنامج مالتنا 

import tkinter as tk
win = tk.Tk()
l = tk.Label(win,text='hello world')
l.pack()
win.mainloop()

وهسا خلي اشرح الكم خاصية font حتى نعدل حجم النص وشكله والسمك مالته مثلا نسويه Italic ونسوي حجمه 12 ونغير بشكله شوية راح نستخدم نوع اسمه Calibri وهاذا السكربت الي راح نكتبه انتم جربو وشوفو الشكل وجربو اشياء من يمكم كذالك

from tkinter import *
win = Tk()
win.configure(background='#262626')
win.title('Tkinter With Mohammed')
l = Label(win,
          text='Hello world',
          font=('Calibri',
                12,
                'bold'))
l.pack()
win.mainloop()

وهسا خلي اشرح الكم عن تغير اللون شوية عدنا خاصيتين حتى نغير لون النص اول وحدة foreground والثانية fg هنه ثنينهن نفس الشي وعندك طريقتين لتحديد اللون اول وحدة تكتب اسم اللون يعني مثلا تكتب red ف يتحول اللون احمر والطريقة الثاية انو تكتب hex code الخاص باللون يعني مثلا اكو لون داكن هاذا hex مالته 262626 وقبل لا تكتب الكود مالت اللون لازم تكتب علامة الهاشتاك # قبل اللون ف يصير عندك هيج الكود

#262626

وانت تكدر تكتب بالكوكل html hex color وتدخل على اول موقع يضهرلك بالبث وتسوي اللون الي تريده وبعدها تاخذ الكود مالته وهاذا مثال عنه راح استخدم foreground واستخدم hex وهاذا السكربت

from tkinter import *
win = Tk()
win.configure(background='#262626')
win.title('Tkinter With Mohammed')
l = Label(win,
          text='Hello world',
          font=('Calibri',
                12,
                'bold'),
          foreground='#262626')
l.pack()
win.mainloop()

الي شرحتها جانت تغير لون النص اما اذا تريد تغير لون الخلفية نفس الشي بس بدال ما تكتب foreground اكتب background وبدال ما تكتب fg اكتب bg

هسا مثلا انت تريد تحدد انو هاذا Label ياخذ مثلا 20 حرف تكدر تحدد العرض مالته عن طريق كتابة width يعني مثلا اني راح اخلي النص مالتي 5 حروف وحتى نحدد عدد الأسطر نكدر نحدد خيار height ف اني راح اسويه 5 حروف وسطرين وهاذا السكربت المثال مالتنا

from tkinter import *
win = Tk()
win.configure(background='#262626')
win.title('Tkinter With Mohammed')
l = Label(win,
          text='Hello world',
          font=('Calibri',
                12,
                'bold'),
          foreground='#262626',
          width=5,
          height=2)
l.pack()
win.mainloop()

اذا تلاحظ النص عندك تخبر انت مهمتك تصلحه اعتبره مثل الأختبار الك :)

وهسا اذا تلاحون من نروح على النص بالماوس ما يتغير ف تعالو خلي نغيره ولأن اني احبكم راح اخلي النص من يجي عليه الماوس يتحول الى قلب :) عن طريق انو نحدد خاصية cursor ف يلا نسويها 

from tkinter import *
win = Tk()
win.configure(background='#262626')
win.title('Tkinter With Mohammed')
l = Label(win,
          text='Hello world',
          font=('Calibri',
                12,
                'bold'),
          foreground='#262626',
          width=5,
          height=2,
          cursor='heart')
l.pack()
win.mainloop()

واذا تردون تعرفون باقي cursors الموجودة ف هاذي هيه 

1. المؤشرات الأساسية:

   - "arrow" (سهم عادي - افتراضي)

   - "circle" (دائرة)

   - "clock" (ساعة رملية)

   - "cross" (صليب)

   - "dotbox" (مربع من النقاط)

   - "exchange" (سهمين متبادلين)

   - "fleur" (أسهم متعددة الاتجاهات)

   - "heart" (قلب)

   - "man" (شخص)

   - "pirate" (جمجمة وعظمتين)

2. مؤشرات التكبير والتحجيم:

   - "plus" (علامة زائد)

   - "sizing" (سهمين متعاكسين)

   - "sb_h_double_arrow" (سهم أفقي مزدوج)

   - "sb_v_double_arrow" (سهم عمودي مزدوج)

3. مؤشرات الأيدي:

   - "hand1" (يد مفتوحة)

   - "hand2" (يد مؤشرة - الأكثر استخداماً)

4. مؤشرات الكتابة:

   - "xterm" (مؤشر نصي عمودي)

   - "ibeam" (مؤشر نصي أفقي)

5. مؤشرات الانتظار:

   - "watch" (ساعة)

   - "wait" (ساعة رملية)

6. مؤشرات خاصة:

   - "spider" (عنكبوت)

   - "spraycan" (بخاخة)

   - "star" (نجمة)

   - "target" (هدف)

   - "tcross" (صليب دقيق)

   - "trek" (سفينة فضائية)

   - "gumby" (شخصية غامبي)

ملاحظات:

- بعض المؤشرات قد لا تعمل على جميع أنظمة التشغيل

- المؤشرات الأكثر استخداماً: "hand2", "arrow", "watch"

طبعا ما بيه اكتبهن كلهن ف خليت الذكاء الأصطناعي يسويهن هههه

المهم هاي يا شباب الأشياء الموجودة بالخصائص الي اني استخدمها طبعا اكو اشياء ثانية هواي ما راح اكدر اذكرهن كلهن ف ذكرت الكم اهم الأشياء اتمنى انو استمتعو بالدرس مال اليوم ونشوفكم بدرس جديد عن قريب ان شاء الله تعالى جان وياكم اخوكم محمد ومع السلامة